Eric García naiz, “Marketina eta publizitatea” zikloko ikaslea, eta praktiketan egiten ari naiz Grupo Campusen enpresan, Bilbon. Enpresa honek 20 urte baino gehiagoko esperientzia du teknologia berritzailearen eta kirolaren sektorean. Nire eginkizunak hauek dira: Email marketineko estrategia eta diseinua, web-orriaren diseinua, bezero potentzialei buruzko ikerketa komertziala eta datu-bilketa, dei komertzialen gidoiak, enpresari eragiten dioten indarreko legeen ikerketa, blogerako artikuluen sorrera eta lehiaren ikerketa.
Eman zaidan aukerari esker, marketina ikasiz eskuratu ditudan ezagutzak aplikatu ahal izan ditut enpresa batean. Praktiketan eskatu zaidan eskakizunari esker, gehiago ikasi ahal izan dut eta zehaztasun handiagoz lan egiten ikasi dut. Zortea izan dut nire gustuetara egokitu den enpresa batean lan egin ahal izan dudalako, eta, horren ondorioz, nire inplikazioa handiagoa izan da eta motibazio handiagoarekin lan egin ahal izan dut.
Kaixo, ni Oihan Maguregi naiz, Marketing eta Publizitateko 2. mailako ikaslea. Orain Sarintel S.L informatika dendan lan egiten ari naiz. Nire etxetik oso urbil daukadan enpresa da, nire etxea eta denda herri berberan kokatuta dagoelako, Algortan hain zuzen ere.
Sarintel S.L. 2001ean jaio zen. Hasi zirenetik ordenagailu pertsonalen salmentan, ordenagailuen konponketan eta ekipo informatikoen mantentze-lanetan lan egiten egon dira.
Nik enpresaren web-orrialdea eramaten dut. Produktuen kudeaketan egoten naiz gehien bat. Hornitzaile guztiak konparatu ondoren prezio hoberena aukeratzen ditut, informazio guztia jarri eta web orrialdera igo. Gainera, noizean behin sare sozialetarako produktu berriak promozionatzeko irudiren bat egitea eskatu didate.
Orain ezin naiz dendara lan egitera joan Covid-19 dela eta baina etxetik lana egiten aritzen naiz.
Oso gustura nago enpresan, oso ondo hartu naute lehen egunetik. Langile guztiak oso jatorrak dira eta beti daude prest niri laguntza emateko eta nire salantzak argitzeko. Profesional batzuekin lan egiterako orduan giro ona eta komunikazio asko badago oso erraza da ikastea.
Amaitzeko eskarrak ematen dizkiot Harrobia Ikastolari eta Sarintel S.L nigan konfiatu izanagatik.
Egun on, Aitor Barrero da nire izena eta Harrobia Ikastolan Marketing eta Publizitatea ikasten ari naiz. Otsailaren 17an praktikak hasi nituen segurtasun enpresa batean, Abra Seguridad izena duena eta bertan izan dudan esperientzia kontatuko dizuet.
Enpresa hau Getxon kokatzen da eta bertako zonaldearen segurtasun arduradun nagusienetarikoa da. Abra Seguridad-en helburua, haien bezeroen segurtasuna bermatzea da, horregatik, Getxoko etxe-bizitza, enpresa eta negozio askorentzat lan egiten du, baita bertako Udaletxearentzat, eta beste hainbat Udaletxeen segurtasuna haien esku ere aurkitzen da. Instalazio ugari egin dituzte enpresa eta eraikin famatuetan, Bizkaia Arena-n, Osakidetzako ospitaleetan, San Mames-en, Tecnalia-n eta abar.
Abra Seguridad enpresa txiki bat da, hamar langile inguru dituena eta hauek egiten dutena da segurtasun instalazioak eta mantentze lanak, mota guztietako segurtasuna eskainiz; bideo zaintza, suteen aurka, sarbide kontrolak… Eta nire lana da haien irudi korporatiboa eguneratzea eta enpresaren ezagutza zabaltzea, bezero berriak sortzeko asmoarekin.
Horretarako, webgunean aldaketak egin ditut, sare sozialak behar bezala jarri eta aktibitatea eman, komunikazio plan bat sortu lehiakideengan zer den ezberdintzen gaituena jakiteko eta aprobetxatzeko, kanpo publizitatea egiteko kanpaina bat sortzen hasi… hau guztia egoera kaxkar honetan egon baino lehen. Momentuan, gai hauetan aurreratzen nabil baina lan erritmoa ez da berdina, ez daukadalako eskuragarri eskaintzen zidaten laguntza eta konpontzen zizkidaten zalantzak.
Enpresa honetan oso gustura nabil lanean, gauza asko ikasi ditut eta espero dut ikasten jarraitzea. Eskerrak eman nahi dizkiot Harrobia Ikastolari aukera hau emateagatik eta Abra Seguridad enpresari nigan konfiantza jartzeagatik.
Esta web utiliza cookies para que podamos ofrecerte la mejor experiencia de usuario posible. La información de las cookies se almacena en tu navegador y realiza funciones tales como reconocerte cuando vuelves a nuestra web o ayudar a nuestro equipo a comprender qué secciones de la web encuentras más interesantes y útiles.
Cookies estrictamente necesarias
Las cookies estrictamente necesarias tiene que activarse siempre para que podamos guardar tus preferencias de ajustes de cookies.
Cookies de terceros
Esta web utiliza Google Analytics para recopilar información anónima tal como el número de visitantes del sitio, o las páginas más populares.
Dejar esta cookie activa nos permite mejorar nuestra web.
¡Por favor, activa primero las cookies estrictamente necesarias para que podamos guardar tus preferencias!
