Harrobia ikastolako marketineko ikasleek Estudio14rako Social Ads kanpaina bat garatu dute

Harrobia ikastolako marketineko ikasleek Estudio14rako Social Ads kanpaina bat garatu dute

Harrobia ikastolako marketineko ikasleak Bilboko Dos de Mayo kalean dagoen Estudio14rako Facebook Ads kanpaina garatu dute zikloko Marketin Solidario agentziaren bitartez.

Bezeroarekin bildu ostean kanpainarako helburua, target-a eta mezua zehaztu dituzte eta Facebook Ads plataformaren bitartez Gabonetarako iragarki kanpaina bat osatzen lagundu diote. Marketineko ikasleek kanpaina digitalaren garapenerako jarraitu duten prozesua hauxe da:

  • Helburua zehaztu
  • Aurrekontua zehaztu
  • Audientziaren segmentazioa definitu
  • Iragarkiak ikusgai egongo diren ubikazioak zehaztu (kasu honetan instagram eta facebook)
  • Iragarkia diseinatu (irudia + copy-a)

Harrobiako Marketin Solidarioko ikasleek iragarki kanpaina eratzeaz gain kanpainari jarraipena egin diote optimizatze aldera.

Facebook Ads-en arlo teknikoari begira izugarri ikasi dute ikasleek. Horrez gain, bezero erreal batekiko komunikazioaren kudeaketa praktikan jartzea lortu dute.

Primerako lana!

 

 

Harrobia ikastolako marketineko ikasleek Bira elkarterako newsletter-ean lanean

Harrobia ikastolako marketineko ikasleek Bira elkarterako newsletter-ean lanean

Harrobia Ikastolako marketineko ikasleek Harrobiako marketin solidario publiagentziaren bitartez Bira kultur elkarterako egon dira lanean aurten.

Batzar baten ostean Bira Kutur elkartearen beharrak identifikatu dituzte  eta behar horiei erantzuna eman diote.

Marketineko ikasleek lehenik eta behin emailing-aren helburua eta estrategia editoriala zehaztu dute Bira elkartearen arduradunarekin:

  • Nori zuzenduta dago newsletter-a? Nor izango da publikoa?
  • Zein da newsletter-aren helburua?
  • Ze eduki bidaliko da newsletter-ean?
  • Zein balio jasotzen ari da publikoa newsletter-aren bitartez?

Ikasleek galdera hauei erantzuna  eman ostean Mailchimp software-aren bitartez automatizatutako emailing-a diseinatu dute. Eredu ezberdinak egin dituzte eta eredu horiek testatu ostean elkarteko publikoarengan inpaktu gehien izan dezakeena aukeratu dute

Zorionak egindako lanagatik!

Marketin ikasleak bezero potentzial ideala definitzen: Buyer Personak.

Marketin ikasleak bezero potentzial ideala definitzen: Buyer Personak.

Marketin eta Publizitateko ikasleak eduki plana eta sare sozialen estrategia garatzen ikasten ari dira. Lortu nahi ditugun helburuak definitu ondoren, bezero potentzial ideala zehaztu behar da, buyer personak:

  • Nor da?
  • Zein kezka ditu?
  • Zer interesatzen zaio?
  • Nolakoa da bere egunerokoa?

Azken finean, buyer personak gure bezero idealen fikziozko errepresentazioa irudikatzen dituzte. Erakarri eta bihurtu nahi dugun audientzia hori nor den zehazten laguntzen digute eta, batez ere, xede-publiko hori sakonago gizatiartzen eta ulertzen laguntzen digute.

Buyer personak, marketin arloan ezinbesteko tresna dira eta argi dago bezero potentzialak ulertzen laguntzen digutela baina zertan laguntzen digute zehazki? Besteak beste, edukien sortzea eta planifikatzea errazten digute, bezeroekin nola komunikatu behar garen, gure produktuak nola garatu behar ditugun eta zer zerbitzu mota eskaini beharko genituzkeen talde desberdinen beharren, portaeren eta kezken arabera.

Marketin ikasleak komunikazio plan integratua eta integralean lanean

Marketin ikasleak komunikazio plan integratua eta integralean lanean

Aste hauetan Marketin eta Publizitateko  lehenengo mailako ikasleek ETHAZI eredua erabiliz erronka berri bati aurre egin behar izan diote: marka batentzat komunikazio plan bat garatu eta aurkeztu.

Lan bikaina egin ari dira ikasleak briefing-aren eskakizunak aztertzen eta horiei erantzuna emanez. Markaren beharrak aztertu eta gero, target-a definitu dute eta komunikazio kanpainaren mezu sortzailean lan egin dute.

Horrez gain, komunikazio ekintza bakoitzaren KPIak definitu dituzte, izan ere, ikasleek komunikazioa integratua eta integrala eraman nahi dute aurrera.

 

Harrobiako Marketineko ikasleek ekintzailetza azokarako kartela eta flyer-a diseinatu dute

Harrobiako Marketineko ikasleek ekintzailetza azokarako kartela eta flyer-a diseinatu dute

Publikatuta: Unai Lozano

Lehenengo mailako Marketin eta Publizitate Goi mailako zikloko ikasleek ekintzailetza azokarako diseinu lehiaketan parte hartu zuten erronka baten bitartez. Irabazleak Ianire García, Janire El Allali, Ane Melgosa eta Sandra Puente aurtengo irabazleak izan dira. Argazkian haiek egindako diseinuak ikusi daitezke. Zorionak egindako lanagatik!