Feb 11, 2020 | Berriak, Jardunaldiak
Ostegunean, 2020ko otsailak 6an marketin eta publizitateko 2.mailako ikasleok Eibarreko Ikasenpresa azokan egon ginen Baloreka izena duen sortutako enpresarekin. Bertan urtean zehar sortu ditugun 3 mahai-jokoak salgai genituen; BerdinGo! fisikoan eta OSA-JAN eta Ekomundu digItalean (biak pendrive batean sartuta). Emaitzak oso onak izan ziren eta jende asko stand-era gerturatu zen informazio eske (tarjeta bisitak hartuz ) eta erostera. Gainera BerdinGO!ko neskek salmenta puntu bat lortu zuten Eibarreko umeentxako arropa denda batean, Twinsen hain zuzen ere.
Kontaktuak lortu genituen eta beste eskoletako irakasleek gure proiektua eredutzat hartuko dute hurrengo ikasturteetarako.
Laburbilduz, Ikasenpresa ikasleontzat esperientzia betegarria izan da eta aukera paregabea Balorekako mahai-jokoak Bizkaitik zehar zabaltzeko. Asko disfrutatu genuen eta oso pozik joan ginen etxera, ia eraman genituen jokoen stock-ik gabe geratu ginen.
Jan 29, 2020 | Berriak
Publikatuta: Jonathan Gonzalez
Bigarren mailako ikasleek Erasmusera joateko aukera daukate. Aurten Harrobiako 3 ikasle doaz!
Maider, Marketina zikloko ikaslea Vienara doa. ZORIONAK eta disfrutatu esperientziaz!
Jan 16, 2020 | Berriak, LPK-Praktikak
Harrobia ikastolako bigarren mailako marketin eta publizitateko ikasleek Mediasal agentzia bisitatu dute komunikabide agentzia baten funtzionamendua nolakoa den ezagutzeko.
Mediasal komunikabide agentzia liderra da soluzio global orokorretan, Getxon hasi ziren lanean 1976an. Gaur egun Moyuan kokatuta daude eta Dentsu Aegis Networken integratzen ari dira, hau 13 enpresa desberdinez osatuta dagoen sarea da.
Bertan Asier Izurieta zuzendariak hitzaldia eman zuen, egiten duten lanari eta komunikabide eta euskarri desberdinen garrantziari buruz. Asierrek nabarmendu zuen gaur egun gauzak aldatzen ari direla eta Internet botere handia hartzen ari duela sektore honetan, Mediasal beste enpresa askok bezaka, sektorearen aldaketara egokitu behar izan du zerbitzu digitalak eskeiniz.
Ikasleak harrituta gelditu ziren enpresa honek lortu duen guztia ikusi zutenean, bereziki Mediasalen bezero eta aurrekontuak ezagutu zituztenean. Enpresa hauek Mediasalen eskuetan uzten dituzte urtero haien publizitatearen ardura. Gainera, bezero baten kanpaina baten nondik norakoak ikusi ahal izan zuten, zein estrategia jarraitu den, zeintzuk komunikabide eta euskarrietan egon den, zein izan den aurrekontuaren banaketa edo zeintzuk izan diren kanpainaren emaitzak. Irteera hau bukatu eta gero ikasleak motibatuta atera dira otsailean haien praktiketako enpresei aurre egiteko arazorik gabe, gainera gozatzeko asmoarekin.
Jan 15, 2020 | Berriak
Publikatuta: Aaron Cajilima
Harrobia Ikastolan ekainera arte luzatuko den 120 ordutako euskara ikastaro ofiziala eta homologatua hasi egin da.
Informatikako 3 ikasle, Egokitzapen Fisikoko 2 ikasle eta Marketina eta Publizitateko beste 2 izena eman dute C1 mailako euskara azterketak prestatzeko.
Prestakuntza ikastaro honetan hainbat kontu lantzen dira, besteak beste, azterketaren prozedura, mekanika eta arreta berezia eskatzen duten atalak. On-line bidez eginiko ekintzak ere badaude.
Jan 7, 2020 | Berriak
Publikatuta: Eneko Robredo
Beti bezala Harrobia Ikastolan EKINTZAILETZA AZOKA ospatu genuen abenduaren 20an. Azoka hau ikasleek antolatzen duten azoka da eta haiek eginiko produktuak saltzen dituzte. Oso era ona lan mundura hurbiltzeko.
